Aðventuhátíð Garðasóknar

Kór Vídalínskirkju flytur fjölbreytta aðventu- og jólatónlist, meðal annars lög og texta eftir kórfélaga.

Einsöngvarar koma úr röðum kórfélaga og með kórnum leika Friðrik Vignir Stefánsson á orgel, Peter Tompkins á óbó og Ásdís Arnarsdóttir á flautu. Stjórnandi er Jóhann Baldvinsson. Á hátíðinni flytur Ólafur Sæmundsson sóknarnefndarmaður hugleiðingu og Sigurvin Lárus Jónsson þjónar.

Að lokinni hátíðinni verður boðið upp á heitt súkkulaði með rjóma og piparkökur í safnaðarheimilinu.

Það er enginn aðgangseyrir og allir eru velkomnir.